Sunday, 6 May 2007

Sudut Kadayan

aku sama anakku

Batah sudah pulang aku kan menulis dalam bahasa kadayam ani, tapi mun ku nulis..wate ku sowang pun inda maahati ujangku. Tapi nda hal pulang tu, siapa yang tahu..paham, sapa yang inda tahu..jaan tah inga. Inda pulang ku majal mun kamu kan mambaca, tapi mun kamu inda paham ujangku ani, jaan tah maah ah.

Bukan ku nganu sapa-sapa pulang, saja bah menulis, bukannya hagut. Hampi setahun labih sudah aku di Holland ani, alum jamu ku tajumpa uang kadayan. Mun tejumpa uang sarawak atu, hagut pulang. Tapi yang tajumpanya uang kadayan bana-bana..alum. Dui..alum ku tajumpa.

Inda pulang ku tahu mun tajumpa uang kadayan tapi betutuan uang putih..puha laaik ku, hantap jua banaa. Bida jamu bunyinya bila betutuan uang putih bunyi kadayan jamu..hantap upanya..ahahhahahahaha.

Tapi, alum lagi ku tajumpa uang sama bahasa aku ani bah. Padian? jauh tah lagi. Kawan? malas tah ku ingau..alum.

Batutuan kadayan ani nda pulang payah sabanaanya. Tapi ada jamu kawan kapada kawanku, alum tah batah di semananjung (inda sampai 2 tahun), bila ia mulih ka kampung..dui, inda tia pandai betutuan kadayan. Hantap jua wang, dai damit kau betutuan kadayan, alum tah batah kelua nagaai..ilang tia kadayanmu. Sipun pun kau bekawin dangan bukan uang kadayan, inda patut bahasa ibundamu ilang. Aku pun bebini uang lua juak..kakal jua jamu tutuan ku. Tantu jua kakal bunyi kadayannya.

Tapi, mun di kajuti, takalua jua kadayan mu atu..ahahhaha. Jaan tah ambung jamu.

Bah, kaang-kaang tah aku berceloteh lagi. Mun ada sapa-sapa uang kadayan out there (ahhahah betutuan uang putih ku jamu jua...LOL) jaan tah supan-supan. Mana tau hampi-hampi..bulih aku bedudun.


P.S:panah kamu melihat ceta 'Si Kudil'?

Until then

4 comments:

pejaghazali said...

apa ini..;)

si labi said...

ahhahahahhahaha...mu kecekla klate ngan kawe

Anonymous said...

atu banaa hantap bah mbaie kasian nya atu..nda ada kah oang kadayan lagi nuhun atu.cuba deh hunjaa hunjaa mangkali ada pakah oang atu. banyak nyamu kudangaa oang kadayan kaluaa naagi

si labi said...

iatah, mustahil nada langsung uang kadayan yang meantau, amai tu andangnya ami, tapi alum ku tajumpa jamu. Nda hal, mun ku tajumpa kaang..ada ku bepadah tuk. bah